In 1947 stig Rudolf Raath Carfo om rolprente te gebruik om die evangelie uit te dra. Hieruit ontwikkel Mema in 1959 in Malawi met die doel om die radio vir evangelisasie-doeleindes te gebruik. Die naam Mema kom van ’n Chewa-woord wat “uitnooi” beteken. Verskillende elektroniese hulpmiddels is deur die jare gebruik, soos ’n meganiese vinger-grammofoon, skyfieprogramme, klankkassette, CD’s, DVD’s en videosnitte.
Mema-Media het sedert sy ontstaan ’n wye verskeidenheid radio- en TV- programme vir kerke en diensgroepe vervaardig, onder meer dramas, musiekprogramme, joernaalprogramme, musieksnitte, opleidings- en toerustingsprogramme.
In 1992 het Mema ’n onderafdeling van Bybel-Media geword. Mema fokus nou op die ontwikkeling van elektroniese produkte vir die opbou van geloof en die uitbou van die bediening.
